«2017»Í dag«Aug»
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
M T M H F L S

Lógir og viðtøkur

Lóg fyri Fimleikafelagið Ljósið

§ 1.

Navn fimleikafelagsins er Ljósið

§ 2.

Mið felagsins er við fimleiki og møguliga øðrum ítrótti at styrkja og búgva likamið, vekja og fremja ans fyri góðari likamsrøkt.

§ 3.

Øll kunnu gerast limir, og limirnir kunnu vera antin virkandi ella óvirkandi

§ 4.

Lima- og luttøkugjald verður ásett á ársaðalsfundinum, og verður at gjalda við byrjanini av fimleikaárinum.

§ 5.

Til at skipa fyri viðurskiftum felagsins, verður ein 5 manna nevnd vald, og skipar nevndin seg sjálv, við formanni, skrivara og kassameistara, afturat formanni, skrivara og kassameistara verða valdir 2 limir, hetta er nevnd felagsins.

Nevndin førir gerðabók og bók yvir ognir felagsins, krevur inn allar inntøkur og eigur heimild til at gjalda allar neyðugar útreiðslur.

§ 6.

Samstundis við nevndarvalinum skulu veljast 1 roknskapargrannskoðari og 1 tiltaksmaður fyri hann og 2 fyri nevndina.

§ 7.

Ársaðalsfundurin verður hildin við byrjan av fimleikaárinum og hevur hægsta avgerðarrætt í øllum felagsmálum.
Ársaðalsfundurin skal boðast frá í minsta lagi 14 dagar frammanundan. Vanligt fleirtal er nóg mikið at avgera øll mál.
Tá ið lógliga er boðað til aðalfundar er hann avgerðarførur.
Eingin limur kann greiða atkvøðu uttan sjálvur at koma á fund. Atkvøðurætt hava allir virkandi og óvirkandi limir, sum hava fylt 15 ár.

§ 8.

Á ársaðalsfundinum greiðir formaðurin frá virkinum í tí lidna árinum, og kassameistarin leggur fram grannskoðaðan roknskap til játtanar. Uppskot til viðgerðar mugu verða givin nevndini upp í hendi í minst 10 dagar áðrenn aðalfundin. Nevndin verður vald soleiðis at 2 nevndarlimir fara frá annað hvørt ár og 3 annað hvørt. Afturval er loyvt.
Val av grannskoðara og tiltaksmonnum.

§ 9.

Eykaaðalfundur kann boðast til, tá ið nevndin heldur, tað er neyðugt, ella tá ið minsta lagi 16 av teimum limum, ið hava atkvøðurætt, krevja tað. Eitt slíkt krav má verða grundað og sendast nevndini skrivliga.

§ 10.

Um so er, at felagið er limur í eini sameining av ítróttarfeløgum, skulu limirnir verða skyldugir at geva seg undir ta lóg og tær ásetingar, sum sameiningin samtykkir fyri limir sínar. Felagið kann ikki skrivast sum limir av slíkari sameining uttan at aðalfundurin hevur játtað.

§ 11.

Um so er, at felagið heldur uppat, skulu ognir tess ganga til frama fyri at menna ungdómin innan fimleik.

16. apríl 2000